Var í “pössun” fyrir austan um helgina. Þessi börn systur minnar eru orkumikil. Ég þarf bara að jafna mig.
Haukur Þór er skemmtilega frakkur krakki. Við fórum með mömmu í Strikið á Selfossi í dag og hann tók einhvern bol sem var of stór á hann og fór með hann til afgreiðslumannsins og var að spyrjast fyrir um verð og slíkt, eins og fólk gerir í búðum. Þegar afgreiðslumaðurinn fór að benda honum á að flíkin væri of stór á hann, þá sagðist Haukur Þór bara ætla að nota belti til að láta bolinn passa. Hann deyr sko ekki ráðalaus, hann Haukur.
Ég tók nokkrar myndir sem má sjá á Flickr svæðinu mínu, þið vitið hvar má finna linkinn.
